மொத்தப் பக்கக்காட்சிகள்

வியாழன், 4 மே, 2017

பாக்கியவானே பலவான் - 9th Bhava of Each Bhava

பாக்கியவானே பலவான்.



     லக்ன பாவம் ஜாதகர் யார் என்பதை கூறும் பாவம். இது சிறக்க வேண்டுமானால் இதனுடைய ஒன்பதாம் பாவமான பாக்கியம் சிறக்க வேண்டும். ஒருவருக்கு அனைத்து பாக்கியங்களும் தர்மெண்ணங்களும் வந்துவிட்டால் அவன் தான் அதாவது ஜாதகர் சிறந்து உள்ளார் எனலாம்.

        இரண்டாம் பாவம் குடும்பம் பணம் தொடர்ந்து சிறக்க வேண்டும் என்றால் அதனுடைய ஒன்பதாவது பாவமான ஜீவனம் நல்ல தொழில் இருக்க வேண்டும்.

           மூன்றாம் பாவம் சிறக்க வேண்டும் என்றால் அதனுடைய ஒன்பதாவது பாவமான எதிலும் வெற்றி லாபம் அதிர்ஷ்டம் ஆசைகள் இருக்க வேண்டும்.

    நான்காம் பாவம் வசதி வாய்ப்புகள் வளம்பெற வேண்டுமானால் அயனசயனம் அழகாக அமைய வேண்டும். அப்பொழுது தான் வீடுவாசலுடன் செளகரியமாக உண்மையில்உள்ளார் எனலாம்.

        ஐந்தாம்பி பாவமான பிள்ளைகள் ஸ்தானம் பலப்பட வேண்டும் என்றால் அதற்கு ஒன்பதாம் இடமான ஜாதகர் லக்ன பாவம் பலம் பெற வேண்டும். அதாவது நாம் நல்ல முறையில் வாழ்ந்து காட்டினால் நமது குழந்தைகள் ஒழுக்கமாக பெயர் சொல்லும் அளவிற்கு வாழ்வார்கள்.

     ஆறாம் பாவம் சிறப்புற வேண்டும் என்றால், இந்த இடம். சிறப்புற வேண்டும் என்றால் நோய் கடன் வம்பு தும்பு இல்லாமல் இருப்பது. இதனுடைய ஒன்பதாம் பாவமான ஜாதகரின் குடும்பம் கட்டு கோப்புடன் இருப்பின் வம்பு வழக்குகளில் சிக்க மாட்டார்கள். பணவசதி இருப்பின் கடன் வராது. குடும்ப ஒற்றுமை இருந்து விட்டால் மகிழ்ச்சி வந்து விடும். மகிழ்ச்சி வந்துவிட்டால் நோய்கள் ஓடிவிடும்.

        ஏழாம் பாவம் சிறப்பு பெற வேண்டும் என்றால் அதனுடைய ஒன்பதாம் பாவம் அதாவது மூன்றாவது பாவமான வீரியம் விருத்தி அடையவேண்டும். கணவன் மனைவி சண்டைக்கு 95% காரணம் இதில் உள்ள குறைபாடே.

          எட்டாம் பாவமான ஆயுள் சிறந்து தீர்காயுள் அடைய வேண்டுமானால்  அதனுடைய ஒன்பதாவது பாவமான ஜாதகரின் சுக ஸ்தானம் சுகபட வேண்டும். சுகம் அதாவது பூரணசுகம் கிடைத்து விட்டால் ஜாதகர் எப்போதும் அக்டிவ் மோட்டிலேயே இருப்பார.. எனவே மரணம் கிட்டவர கூட பயப்படும்.

           ஒன்பதாம் பாவமான பாக்கியம் தர்ம்ம் செய்தல் போன்றவை தொடர்ந்து சிறக்க வேண்டும் என்றால் இதனுடைய ஒன்பதாம் பாவமான புத்திர ஸ்தானம் பலம் பெற வேண்டும். சத்புத்திர்ர்கள் பிறந்துவிட்டால் பெற்றோர்களுக்கு வேறு என்ன பாக்கியம் வேண்டும்.

        உத்தியோக ஜீவனபாவம் சிறக்க வேண்டும் என்றால் அதனுடைய ஒன்பதாவது பாவமான ஜாதகரின் ஆறாம் பாவம் நன்கு அமைய வேண்டும். நோய் இல்லாது இருந்தால் தானே தொடர்ந்து உத்தியோகம் செய்ய இயலும். பணம் சம்பாதிக்க இயலும்.

          பதினோராம் பாவம் ஆசைகள் அனுபவித்து ஆனந்தபடுவது. இது பலப்பட வேண்டும் என்றால் இதற்கு ஒன்பதாம் பாவமான களத்திர பாவம் சிறக்க வேண்டும். களத்திரம் கட்டிலில் காமுகியாக இருந்து விட்டால் இந்த பதினோராம் பாவம் மூலம் வரும் பரத்தையர் பழக்கம் இல்லாமலேயே பத்தினியிடமே பதினோராம் பாவ ஆபிலாஷைகளை அனுபவித்து விடலாம்.

               பன்னிரண்டாம் பாவம் பலப்பட வேண்டும் என்றால் , அதாவது எதிரும் பரமசுகம் பெற அதற்கு ஒன்பதாவது பாவமான எட்டாம் பாவம் பலப்படவேண்டும். அற்பாயுள் அமைந்து அனைத்தும் இருந்து என்ன பலன். ஆக, இன்பத்தை நிறுத்தி நிதானமாக அனுபவுத்தால் தானே பேரின்பம். இதற்கு தீர்காயுள் தேவை.

                ஆக, எந்த ஒரு பாவம் பலப்பட வேண்டும் என்றால் அதனுடைய பாக்கிய பாவம் பலப்பட வேண்டும்.  இப்படி ஆராயும் போது, ஜாதக கட்டத்தில் நாம் பார்க்கும் பன்னிரண்டு பாவங்களும் ஒன்றையொன்று தொடர்பு கொண்டு பின்னி பிணைந்து உள்ளது. ஆக எந்த பாவம் பலம் குறைகிறதோ, அதற்கு ஒன்பதாம் பாவம் அடிபடுகிறது என அறிகிறோம்.

*by..Vellore Bala Jothidar 9443540743



சித்தாந்த ரத்னம்பஞ்சங்க கணிதர்ஜோதிடமாமணி
M . பாலசுப்ரமணியன், M .A ,
நிறுவனர்,
வேலூர் ஜோதிட ஆராய்ச்சியாளர்கள் சங்கம்.
செல்: 9443540743. Vellore - 632002.

புதன், 22 மார்ச், 2017

யோனி தரும் அன்யோன்யம் Yoni in Marital Pleasures

யோனி தரும் அன்யோன்யம்







சைவ சித்தாந்த ரத்னா, பஞ்சாங்க கணிதர், ஜோதிடமாமணி
M.பாலசுப்ரமணியன், M.A.,
நிறுவனர்,
வேலூர் ஜோதிட ஆராய்ச்சியாளர்கள் சங்கம், 189, 9-வது தெரு, சாமி நகர், பாகாயம், வேலூர்-632002
செல்: 9443540743 email: jothidananban@gmail.com. www.balajothidar.blogspot.com

புதன், 17 ஆகஸ்ட், 2016

“கோச்சார வசாத்” - Kochchaara Vasaath

“கோச்சார வசாத்”  
  இன்றைய நாள் யோகம் தருமா இல்லையா என்பதை அறிய அஷ்டவர்க்க முறையில் காண்பது. இதற்கு பெயர் கோச்சார வசாத் என்பர்.
ஒருவர் பிறந்த ஜாதகப்படி அவரது பின்னஷ்ட வர்க்க சக்கரப்படி, ஒவ்வொரு கிரகமும் ஒவ்வொரு ராசியில் நிற்கும் போது எவ்வளவு பரல்கள் வாங்கி உள்ளது என்பதை சார்ட் மூலம் அறியலாம்.

       இன்றைய பலத்தை அறிய இன்று கோச்சார கிரகங்கள் நிற்க கூடிய இடங்களில் , அவரது ஜென்ம ராசி படி பின்னஷ்ட வர்க்க சக்கரப்படி எடுத்து போடவேண்டும். மொத்தம் கூட்டினால், சராசரியை விட கூட வந்தால் அன்றைய தினம் அந்த ஜாதகருக்கு யோகதினமாக “கோச்சார வசாத்” படி சொல்லலாம்.

உதாரண ஜாதகம்:
பெயர்:A  
DOB: 1-1-1980
time: 10.00 am @ Vellore
ஜென்ம ராசி:





இதன் படி இவரது ஜென்ம ஜாதகத்தில் உள்ள பின்னஷ்ட வர்க்க சக்கரம்.





பலன் பார்க்கும் நாள்: இன்று. 17-8-2016 (பார்க்கும் நேரம்;காலை 9 மணி.)
Today





sooriyan simmam  (As per jenma Jadhaga’s Pinnastavarga Soorian in Simmam gets 4 parals)
Chandra=makaram (Chandran in Makara gets only 2 parals)
chevvaai=viruchchika  (Chevvaai in Viruchchiga gets 4 parals)
Budan=simmam  (Budan in Simma gets only 4 parals)
Guru=Kanni  (Guru in Kanni gets 5 parals)
Sukran=Simmam  (Sukran in Simmam gets only 3 parals)
Sani=Viruchchiga  (Saturn in viruchchiga gets 5 Parals)

ஆக,
சூரியன் 4 பரல்
சந்திரன் 2 பரல்
செவ்வாய் 4 பரல்
புதன் 4 பரல்
குரு 5 பரல்
சுக்ரன் 3 பரல்
சனி 5 பரல்
ஆக மொத்தம் = 27

அஷ்டவர்க்கத்தில் மொத்தம் 337/12= 28.08333
இன்று நமக்கு கிடைத்தது 27
 பரல்கள் என்பதால் இன்று average சராசரி நாள். என அறியலாம்.

இதை அவரவர்கள் அனுபவித்து பிறகு முடிவு செய்து கொள்ளுங்கள்.

==========================================================================



சித்தாந்த ரத்னம், பஞ்சங்க கணிதர், ஜோதிடமாமணி
M . பாலசுப்ரமணியன், M .A ,
நிறுவனர், வேலூர் ஜோதிட ஆராய்ச்சியாளர்கள் சங்கம்.
கௌரவ ஜோதிட பேராசிரியர், சிவ அஸ்ட்ராலாஜிகல் ரிசர்ச் பீரோ, வேலூர் – 632002




ஞாயிறு, 10 ஏப்ரல், 2016

KulaDeivam குலதெய்வத்தை கூப்பிடுவது எப்படி..?

குலதெய்வத்தை கூப்பிடுவது எப்படி..?




நம் குடும்பத்தை காப்பது நமது குலதெய்வத்தை விட வேறு ஒருவர் இல்லை. நாம் கூப்பிடும்போது ஓடிவருப்பவள் தான் நமது குலதெய்வம். குலதெய்வத்தை கொண்டாடுபவனுக்கு கூரையை பிய்த்து கொண்டு கொட்டும் என்பது முற்றிலும் உண்மை. குடும்பத்தில் காலா காலத்தில் திருமணம் நடைபெறுவதற்கும், திருமணம் முடித்தவர்களுக்கு சந்ததி தோன்றுவதற்கும், தொழில் வியாபார அபிவிருத்தி அடைவதற்கும் கூப்பிட்ட குரலுக்கு ஓடிவந்து நடத்தி தருபவர் 

பொதுவாக ஐந்தாமிடத்தை வைத்து குலதெய்வத்தை குறிக்கலாம் என்றாலும், இது அவ்வளவு எளிதில் சாத்தியமில்லை. காரணம் ஒரு வீட்டில் இரண்டு மூன்று அண்ணன் தம்பிகள் இருக்குபோது ஒவ்வொருவருக்கும் ஐந்தாமிடம் வேறுபாடும் போது, அந்த வீட்டிற்குரிய குலதெய்வம் கண்டுபிடிப்பதில் குழப்பம் ஏற்படும்.

குடும்பத்தின் கோத்திரம் தெரிந்தால், கோத்திர பங்காளிகளிடம் சென்று அறிந்து கொள்ள முடியும். ஒரு சிலருக்கு கோத்திரம் ஒன்றாக இருந்தாலும் சூத்திரங்கள் மாறுபடும். அப்பொழுதும் சில குழப்பங்கள் தோன்றும்.

ஐந்தாமிடம் பெண் ராசியாக இருப்பின் அம்மன், அம்பாள் போன்றவர்கள் என்பதும், ஆண் ராசியாக இருப்பின் அய்யனார், கருப்பன், என்பதுமாக பார்கின்றனர். ஒரு சிலர் ராசியின் அதிதேவதை கொண்டு குலதெய்வத்தை குத்துமதிப்பாக கூறுவார்கள்.

ஒவ்வொரு குடும்பத்தில் தந்தை தாத்தா குலதெய்வத்தை சென்று வணங்கும்போது அடுத்து வரும் பிள்ளைகளும் தொடர்வார்கள். இவர்களின் தொடர்ச்சி எப்பொழுது விடுபடுகிறது என்றால், அந்த குடும்பத்தில் தாத்தா மற்றும் அவருக்கு முந்தைய தலைமுறையில் சில பெரும்பாவங்களை செய்யும்போது பிறக்கும் பேர குழந்தைகளுக்கு ஐந்தாமிடம் பாவகிரகங்களின் ஆதிக்கத்தில் வந்துவிடுகிறது. இதனால் குலதெய்வ வழிபாடு நின்றுவிடுகிறது. இதற்கு தான் குலதெய்வ சாபம் என்கின்றனர்.

ஒரு சிலருக்கு ஜாதகமே இல்லாமல் போகக்கூடிய நிலை இருக்குபோது, இந்த ஐந்தாமிடத்தை பற்றி கூட தெரிந்து கொள்ள இயலாமல் போகிறது.
ஆக, இந்த ஐந்தாமிடத்தை வைத்தோ, ஒன்பதாமிடத்தை வைத்தோ மிக சரியாக கணிக்க இயலாது. இதற்கும் மேலாக இறைவனின் அருள் இருந்தால் தான் குலதெய்வமே கூட கண் முன் தோன்றும். இது சில நேரங்களில் பிரசன்னத்தின் மூலமாக அறியலாம்.

சில குடும்பங்களில் பூவாடைகாரி என்று புடவையை மடித்து வைத்து வணங்கிவருவார்கள். அதாவது, பூவும் பொட்டுவுடன் ஒரு கட்டுகழுத்தி என்கின்ற சுமங்கலி பெண் இறந்து விட்டு இருக்கும்போது, அந்த பெண்மணி நம் குடும்பத்தை காப்பாள் என்ற ஐதீகம்.

 சில நேரங்களில் அசரீர் மூலமாக அறியலாம்.கோத்திரம் அறிந்து, அந்தந்த கோத்திர ரிஷிகளின் நட்சத்ர, கோவில் அல்லது தெரிந்த சமாதிகளுக்கு சென்று வழிபடலாம்.

அடுத்து,

ஒரு சிறிய வழி ஓன்று உள்ளது, நாம் இருக்கும் இடத்தின் எல்லை தெய்வத்தை வணங்கி, குலதெய்வத்தை காட்டும்படி வேண்டிக்கொள்ள வேண்டும். அதற்காக சிறு காணிக்கைகளை வீட்டில் போட்டு கொண்டு வரவேண்டும். இந்த வேண்டுதல் ஆரம்பித்த ஒரு வருடத்திற்குள் உங்கள் குலத்தில் உங்கள் உறவினர்களாக உள்ள ஒருவர் மூலம் நிச்சயம் உங்கள் குலதெய்வம் தெரியவரும்.

அடுத்து

மாதா, பிதா, குரு தெய்வம் என்பதை அனைவரும் அறிவர், எனவே குலதெய்வம் தெரியாதவர்கள் தாய்தந்தையரை வணங்கினாலே போதும். இல்லை உங்களது அஞ்ஞானத்தை யார் போக்கினாரோ அவரையே நீங்கள் குருவாக நினைத்து வந்தாலே போதும்.

அடுத்து

பிரசன்னத்தின் மூலம் அன்றைய பிரசன்ன கட்டத்தில் உதயத்தையும், உதயத்தில் நின்றவரையும் வைத்து அறியமுடியும்.

அடுத்து

உங்களுக்கு குழப்பம் வருவதாக உணர்ந்தால், கவலையே படவேண்டாம், நமது இந்து மதம் ஆறு மதங்களை கொண்டது என்றாலும், இவை ஆறும் சேர்ந்து இரண்டு பெரிய பிரிவுகளாக சைவம், வைஷ்ணவம் என்று உள்ளது. எனவே உங்கள் மரபு சைவ மரபாக இருப்பின் அருகில் உள்ள சிவன் கோவிலுக்கு (அல்லது சிதம்பரம்) சென்றோ, வைஷ்ணவமாக இருப்பின் அருகில் உள்ள பெருமாள் கோவிலுக்கு (அல்லது திருப்பதி) சென்றோ தொடர்ந்து வழிபட்டு வந்தால் குலதெய்வம் ஒரு நாள் உங்கள் முன் வந்து நிற்கும்.


(என்ன இவர் ஜோதிட ரீதியாக கூறி முடிக்காமல், ஆன்மீகத்தில் முடித்துவிட்டாரே என்று தாங்கள் நினைக்க தோன்றும். ஜோதிட ரீதியாக எந்த மார்க்கமாக குலதெய்வத்தை குறிப்பிட்டு கூறினாலும், சில வருடங்களுக்கு பிறகு, அதில் மனதிற்குள் சந்தேகம் ஏற்படுவதையும், சில நாட்கள் கழித்து அதையும் தொடராமல் விட்டுவிடுவதும் அனுபவத்தில் காண்கிறேன்.)  


 ================================================================

சித்தாந்த ரத்னம், பஞ்சங்க கணிதர், ஜோதிடமாமணி
M . பாலசுப்ரமணியன், M .A ,
நிறுவனர், வேலூர் ஜோதிட ஆராய்ச்சியாளர்கள் சங்கம்.
கௌரவ ஜோதிட பேராசிரியர், சிவ அஸ்ட்ராலாஜிகல் ரிசர்ச் பீரோ, வேலூர் – 632002

====================================================================


திங்கள், 8 பிப்ரவரி, 2016

சந்திரனும் சஞ்சலமும்

சந்திரனும் சஞ்சலமும் 



வேகமாக செல்லும் சந்திரன் சம்சார வாழ்க்கையில் சஞ்சலத்தை ஏற்படுத்தும் நேரங்கள்:

பெரும்பான்மையோருக்கு கோட்சார சந்திரன் நெருப்பு ராசிகளில் பிரவேசிக்கும் வேளையில் மனகிளர்ச்சி, கோபம், அதிக உற்சாகம், உணர்வு மேலோங்குதல் போன்றவை நிகழும்.

கோட்சார சந்திரன் நிலராசிகளில் இருக்கும்போது பணத்தை பற்றிய சிந்தனைகள், பற்றாக்குறை, நிலையாமை, பேராசைகள் போன்ற எண்ணங்களில் திளைத்து இருக்க வேண்டி வரும்.

கோட்சார சந்திரன் காற்று ராசிகளில் சஞ்சாரம் செய்துகொண்டு இருக்கும்போது மற்றவர்களுடன் தொடர்புகள் கூடுதல், ஆண் பெண் உறவுகளை நினைத்து ஏங்குதல், போன்ற சிந்தனைகளுக்கு ஆட்படுவர்.

கோட்சார சந்திரன் நீர் ராசிகளில் பிரவேசிக்கும் காலத்தில் குழப்பங்கள், தன்னை தானே தாழ்த்தி கொள்ளுதல், அதிக ஈரக்க தன்மை போன்ற நிகழ்வுகளில் நம் மனம் ஆட்கொள்ளும்.


மேற்கண்ட காலகட்டங்களில் கோச்சார சுப/பாவகிரகங்கள் பார்ப்பதை வைத்து எண்ணங்கள் கூடவும் குறையவும் செய்யும்.

*************************************************************************


சித்தாந்த ரத்னம், பஞ்சங்க கணிதர், ஜோதிடமாமணி
M . பாலசுப்ரமணியன், M .A ,
நிறுவனர்வேலூர் ஜோதிட ஆராய்ச்சியாளர்கள் சங்கம்.
கௌரவ ஜோதிட பேராசிரியர்சிவ அஸ்ட்ராலாஜிகல் ரிசர்ச் பீரோவேலூர் – 632002

*************************************************************************

வியாழன், 31 டிசம்பர், 2015

லக்னத்தில் சர்பகிரகங்கள் இருந்தால் சாப்பாடு கிடைக்குமா...? lagna kethu ragu

லக்னத்தில் சர்பகிரகங்கள் இருந்தால் சாப்பாடு கிடைக்குமா...?

      ஆண் ராசிகளில் உள்ள லக்ன கேது உறவுகளும், பந்தங்களும் நம்மிடம் ஒட்டி உறவாட வேண்டும் என நினைப்பார், அப்படி உறவுகள் உரிமையோடு உறவாட வரும்போது உம்மென்று இருந்து உறவுகளை ஓடவிட்டுவிடுவர். இதே போல தான் பெண் ராசிகளில் உள்ள லக்ன கேது வசதி வாய்ப்புகள் நம்மை தேடி வரவேண்டும் என்று இருப்பவர்கள். அப்படி அவர்களை வாய்ப்புகள் தேடி போனாலும் அவைகளை உதறிவிட்டு வாழ்வதே வாழ்க்கையாக இருப்பார்கள்.

     லக்ன கேது உள்ளவர்கள் பெரும்பாலும் திருவாசகத்தில் கையாளப்பட்ட வார்த்தையான “நெறியில்லா நெறிதன்னை நெறியாக நினைத்து அமைந்த நிலையான வாழ்க்கையை நிலைகுலைத்து விட்டு இறைவனை நிந்திப்பார்கள்.

        ஆண்ராசிகளில் உள்ள லக்ன ராகு உறவுகள், பந்தங்கள், காதலர்கள் மீது அபரிமிதமான நெருக்கங்களை தாமே வளர்த்துகொண்டு தீடீர் என்று தவறாக தாமே நினைத்துகொண்டு இவர்களை கழற்றி விட்டுவிட்டு மேற்கண்ட உறவுகள் நம்மை ஏமாற்றி விட்டதாக இறுதியில் தன்னைத்தானே ஏமாற்றி கொள்வர். இவர்கள் அடிகடி வாழ்க்கையில் சொந்தபந்தநட்புக்களை மாற்றிக்கொண்டே இருப்பார்கள்.

     பெண் ராசிகளில் உள்ள லக்ன ராகு உலக பொருள்கள் அனைத்தையும் தமதாக்கி எக்ஸ்பிரஸ் வேகத்தில் அனுபவிக்க ஆசைப்பட்டு இறுதியில் அந்த பொருள்களே அவர்களுக்கு அல்லலை கொடுக்குபோது, அந்த பொருள்களை விட்டு விட்டு வேறு பொருள்கள் மீது வேட்கை திரும்பும்.இவர்கள் அடிகடி வாழ்க்கையில் இடமாற்றங்களை சந்திப்பார்கள்.

    பொதுவாக, லக்ன கேது உள்ளவர்கள் ஆரம்பத்தில் இருந்து அய்சாட்டியம் பண்ணி அமைதியற்று இருப்பார்கள், ஆனால் லக்ன ராகு இருப்பவர்கள் அனைத்தையும் அனுபவித்து அமைதியற்று இருப்பார்கள். எது எப்படியோ, லக்னத்தில் சர்பகிரகங்கள் இருப்பவர்கள் அமைதியற்று தான் இருப்பார்கள்.  சுருங்ககூறின், சாப்பிடாமல் கஷ்டபடுவது ஒரு ரகம், அதிகம் சாப்பிட்டுவிட்டு கஷ்டபடுவது அடுத்த ரகம். 

********************************************************************* 




சித்தாந்த ரத்னம், பஞ்சங்க கணிதர், ஜோதிடமாமணி
M . பாலசுப்ரமணியன், M .A ,
நிறுவனர், வேலூர் ஜோதிட ஆராய்ச்சியாளர்கள் சங்கம்.
கௌரவ ஜோதிட பேராசிரியர், சிவ அஸ்ட்ராலாஜிகல் ரிசர்ச் பீரோ, வேலூர் – 632002


*********************************************************************